Panimulang Pag-aaral sa Diskursong Pangkasarian sa Araling Filipino sa Pamantasang De La Salle / Preliminary Study on the Gender Discourse in Filipino Studies at De La Salle University

Lorenzo Miguel S. Buenaflor, lorenzo_buenaflor@dlsu.edu.ph, De La Salle University

Journal: Malay
Volume 33 Issue 1 (Published: 2020-12-01)

Abstract

Layunin ng panimulang pag-aaral na ito ang malaman at masuri ang diskursong pangkasarian sa anim na disertasyon ng programang Doktor ng Pilosopiya sa Araling Filipino (Wika, Kultura, at Midya) ng Departamento ng Filipino ng Pamantasang De La Salle. Ginabayan ng mga metodo ng kalitatibo (archiving at pagsusuring pangnilalaman) at kantitatibong (pagbibilang at pagbabahagdan) pananaliksik, pinag-aralan ang topograpiya ng pagdiskurso sa kasarian ayon sa mga paksa/layunin, metodolohiya, teksto ng pananaliksik, metodo, teoretikal na batayan, at bibliograpiya ng bawat disertasyon. Bagaman may iba`t-ibang layunin ang bawat disertasyon, pinatotohanan sa pag-aaral na ito na ang pluralidad ng karanasan ay bunga ng social construction ng identidad na nakakabit sa kasarian. Lahat ng disertasyon ay gumamit ng kalitatibong pananaliksik upang pag-aralan ang mga karanasang ito na pinatitibay ng triyanggulasyong metodolohikal o ang paggamit ng iba’t ibang pamamaraan ng pangangalap ng datos katulad ng archiving, panayam, focus group discussion, at pagsusuring pangnilalaman. Dominante ang paggamit ng mga banyagang teoretikal na balangkas at Ingles pa rin ang wika ng mga sangguniang ginamit sa pagdidiskurso ng/sa kasarian, sinulat man ng mga Pilipino o ng mga banyaga. Sa huli, nagbigay ng mga tentatibong implikasyon ang mananaliksik ayon sa resulta ng pagsusuri sa mga disertasyon ukol sa kasarian ayon sa mga paksa/layunin, metodo, pagteteorya, at bibliyograpiya. This preliminary study is aimed at determining and analyzing the gender discourses found in six dissertations of the Doctor of Philosophy in Philippine Studies (Language, Culture, and Media) program of De La Salle University’s Filipino Department. Guided by the research methods of qualitative (archiving and content analysis) and quantitative research (frequency and percentage), this paper specifically studied studies the topography of gender discourses based on the research topics/objectives, methodology, methods, research texts, theoretical framework, and bibliography of each dissertation. Though it is evident that research topics/objectives vary varied, the plurality of experiences due to social construction of identity is the common theme in the study of gender. All dissertations used qualitative research design with triangulation as a method which includes archiving, in-depth interview, focus group discussion, and content analysis. Exogenous theoretical frameworks dominated gender analysis and English prevailed as the language of bibliography, whether references were written by Filipinos or foreign scholars. At the end of this undertaking, tentative implications were presented based on the preceding results and analyses.

Keywords: Araling Filipino, diskursong pangkasarian, Filipinisasyon, kasarian, komunidad na pangkomunikasyon communication community, Filipinization, gender, gender discourse, Philippine Studies

DOI: https://ejournals.ph/article.php?id=16017